Təhsilə dəstək – Təhsil Nazirliyi və ölkənin aparıcı universitetləri ilə strateji partnyorluq
Biz düşünürük ki, ölkədə maliyyə sektorunun dayanıqlı inkişafı mütləq qaydada bu sahədə perspektiv kadrların inkişafından başlayır. Bu səbəbdən artıq bir neçə ildir ki, Azərbaycan Respublikası Təhsil Nazirliyinin bir sıra layihələrində maliyyə partnyoru qismində çıxış edirik. Beynəlxalq Fənn Olimpiadası, Respublika Fənn Olimpiadası, Təhsil sərgisi, şagirdlərdə yumşaq bacarıqların və tədris proqramına əlavə olaraq yeni bilik və bacarıqların inkişafı üçün yay aylarını əhatə edən Təhsil avtobusu və digər bu kimi layihələrin adını qeyd etmək olar.
Bundan başqa Kapital bank bir sıra ali məktəblərlə də birgə layihələr həyata keçirir. ADA Universiteti, İqtisad Universiteti (UNEC), Azərbaycan Dövlət Neft və Sənaye Universiteti, Bakı Mühəndislik Universitetini misal çəkmək olar. Adları qeyd edilən ali məktəblərdə mütəmadi olaraq “Karyera Günləri”, müxtəlif təlimlər, konfranslar, təcrübə proqramları keçirilir, tələbələr Kapital Bank-da yaradılan təcrübə proqramlarına cəlb edilir. Təcrübə proqramlarında yüksək nəticə əldə edən tələbələr daha sonra işlə təmin olunurlar.
Bir neçə ali məktəbdə Kapital Bank tərəfindən təchiz olunan xüsusi otaqlar var. Bu otaqlarda tələbələr müxtəlif təlimlərdə və bank proqramının inteqrasiya olunan pilot versiyalarında işləyə bilirlər.
Bir neçə ildir ki, Azərbaycan Dövlət İqtisad Universitetinin (UNEC) və ADA-nın tələbələri arasında “Bir İdeyam Var” layihəsi keçirilir. Layihə çərçivəsində qalib gələn 3 komanda xüsusi sertifikat və pul mükafatı ilə təltif olunur, həmçinin ölkə üzrə ən çox sayda əməkdaşı olan Kapital Bank-da təcrübə proqramı keçmək şansı qazanır.
Ölkədə İT mütəxəssislərin yetişdirilməsi istiqamətində də Kapital Bank bir sıra layihələr həyata keçirir. “BirCode Camp” layihəsi çərçivəsində iştirakçılar Front-end, Back-end, IOS və Android development sahələri üzrə bilik və təcrübə qazanırlar, işlə təmin olunurlar.
