Lotereya hansı tarixlərdə keçiriləcək?

2 sentyabr–31 oktyabr 2024-cü il tarixlərində (hər iki tarix daxil olmaqla).

Lotereyada kimlər iştirak edə bilər?

Sentyabrın 2-dən oktyabrın 31-nə qədər bankımızda aşağıda qeyd olunmuş şərtlərlə yeni depozit yerləşdirən, 18 yaşına çatmış Azərbaycan vətəndaşları lotereya iştirakçısına çevriləcək:

• Məbləğ ən azı 500 AZN olarsa;
• Müddət 6, 12 və ya 18 ay olarsa;
• Faizlər müddətin sonunda götürülərsə.

Lotereya şansları necə hesablanır?

Şanslar tiraj keçirilən tarixlərdə depozitdə olan məbləğdən asılı olaraq təqdim olunur.

• 500 AZN-dən 1000 AZN-dək depozit məbləğinə görə 10 şans;
• Sonrakı hər 1-1000 AZN depozit məbləği üçün əlavə 10 şans;
• Birbank tətbiqində yerləşdirilən depozitlərə görə şanslar ikiqat hesablanır.
   

Məsələn, 1001–2000 AZN aralığında depozit yerləşdirən müştərilər 20 şans, 2001–3000 AZN aralığında depozit yerləşdirən müştərilər 30 şans qazanacaqlar, eyni məbləğləri Birbank tətbiqində yerləşdirdikdə isə şansların sayı müvafiq olaraq 40 və 60 olacaq.

Hazırda depozitim varsa, onu artırmaqla lotereyada iştirak edə bilərəm?

Xeyr, mövcud depozitlərin artırılması zamanı lotereyada iştirak şansları təqdim olunmur.
 

Neçə lotereya qalibi olacaq və hansı hədiyyələri qazanacaq?

Lotereya dövründə ümumilikdə 101 qalib seçiləcək. 100 qalibə yerləşdirdiyi depozit üzrə əldə edəcəyi faizlərin iki qatı, 2000 AZN-dən çox olmamaq şərti ilə, hədiyyə ediləcək. 1 qalib isə depozit faizlərinin üzərinə əlavə 50 000 AZN qazanacaq.

Hansı hallarda qalibə hədiyyə təqdim olunmaya bilər?

Hədiyyələr qaliblərə 30 iş günü ərzində təqdim olunacaq. Qalib olmuş müştəri bu müddət ərzində depoziti bağlayarsa və ya depozit məbləğini azaldarsa, hədiyyəni əldə etmək hüququnu itirəcək.

Lotereyada neçə dəfə qalib ola bilərəm?

Bir müştəri yalnız bir dəfə qalib ola bilər. İlk tirajda qalib olmayan müştərilər ikinci tirajda da iştirak hüquq qazanır. 

Neçə tiraj olacaq?

Lotereya 2 tirajdan ibarətdir.

1-ci tiraj 4 oktyabr 2024-cü il tarixində baş tutacaq. Bu tirajda 2–30 sentyabr aralığında (hər iki tarix daxil olmaqla) depozit yerləşdirən müştərilər iştirak edəcək.

2-ci tiraj 7 noyabr 2024-cü il tarixində baş tutacaq. Bu tirajda 2 sentyabr–31 oktyabr aralığında depozit yerləşdirən müştərilər (1-ci tirajın qalibləri istisna olmaqla) iştirak edəcək.

Qaliblər necə müəyyənləşəcək?

Qaliblər 4 oktyabr və 7 noyabr 2024-cü il tarixlərində Kapital Bank-ın sosial media səhifəsində, canlı yayımda bank tərəfindən hazırlanmış xüsusi proqram vasitəsilə təsadüfi seçim (“random” üsulu) ilə müəyyən olunacaq.

Qaliblərə zəng olunacaq, yaxud SMS və Birbank tətbiqi vasitəsilə qazandıqları mükafatlarla bağlı bildirişlər göndəriləcək. Mükafatlar tiraj keçirilən gündən etibarən 30 iş günü ərzində qalibin cari hesabına köçürüləcək.

Depozit lotereya şərtləri ilə tanış olun 

*Lotereya çərçivəsində illik faiz dərəcələri 18%-dək yüksələ bilər