Bank haqqında
Kapital Bank Azərbaycan Əmanət Bankının varisi kimi 140 ildən çox, uğurla fəaliyyət göstərir. Hazırda Kapital Bank Azərbaycanda ən böyük xidmət şəbəkəsinə malik maliyyə qurumudur. Universal bank olan Kapital Bank 3 milyondan çox fiziki və 22 mindən artıq hüquqi şəxslərə xidmət göstərir. Eyni zamanda, Kapital Bank dövlətin həyata keçirdiyi bir sıra sosial proqramlarda yaxından iştirak edir və real sektorun inkişafı üzrə bir sıra proqramları həyata keçirir.
Strateji baxışımız
Hər kəsin bankı olaraq daha dayanıqlı gələcəyi təmin edən bir nömrəli maliyyə tərəfdaşına çevrilməkdir. Bugünkü seçiminiz gələcəyinizin təminatıdır.
Missiyamız
Həyatınızın hər bir dönəmində şəffaf maliyyə tərəfdaşlığımızla ölkəmizin sosial-iqtisadi rifah halını birlikdə yüksəltməkdir.
Dəyərlərimiz
- Şəffaflıq (bütövlük, dürüstlük) – özümüzə, müştərilərimizə, həmkarlarımıza və tərəfdaşlarımıza qarşı dürüst və şəffaf olmaq
- Keyfiyyət – Gördüyümüz hər işdə professional keyfiyyəti ortaya qoymaq
- Gəlirlilik – Başladığımız və apardığımız hər bir layihədə səhmdar üçün dəyər yaratmaq
- Əməkdaşlıq – Paşa Holdinqin bütün strateji aktivləri arasında qarşılıqlı faydalı sinerji formalaşdırmaq
- Sahibkarlıq - Məqbul risk sərhədləri çərçivəsində təşəbbüs və biznes irəliləməsini təşviq etmək
Səhmdarlarımız
“Kapital Bank” ASC-nin səhmlərinin 99.87%-i "Paşa Holdinq"-ə aiddir. Bankın nizamnamə kapitalı 185 mln. AZN-dir. Hazırda Kapital Bank Azərbaycanda ən böyük xidmət şəbəkəsinə malik maliyyə qurumudur.
